Лейлектеги чек аралаш аймакта “Элеттик аялдардын экономикалык мүмкүнчүлүктөрүн​ кеңейтүү”​ долбоору 25 аялды окутуп, азык-түлүк менен камсыздады

Лейлек районундагы Максат айылы Таджикистан менен чек аралаш аймакта жайгашкан. Бул айылда​ коомдук уюмдар тарабынан элдердин жашоо-тиричилигин жакшыртуу багытында бир катар долбоорлор ишке ашырылууда.​ Ошондой долбоорлордун сап башында​ Бириккен Улуттар Уюмунун Дүйнөлүк Азык-түлүк программасынын колдоосу менен «Инсан-Лейлек» коомдук фонду тарабынан ишке ашырылып жаткан​ ​ «Элеттик аялдардын экономикалык мүмкүнчүлүктөрүн​ кеңейтүү”​ долбоору болуп саналат.
​ Бул долбоор алкагында жогоруда белгилеп өткөндөй чек ара айылында жашаган аз камсыз болгон кожолуктардан​ 25 аял жашоо шартын жакшыртуу боюнча кошумча киреше табуу багытында окууларга катышууга мүмкүнчүлүк алган.​ ​ Топтогу мүчө​ аялдар менен жолукканда​ кошумча киреше берүүчү ишмердүүлүк катары тигүүчүлүк менен кол өнөрчүлүктү тандаган.​ Тигүүчүлүктүн жаңы усулдарын, тигүүчүлүк, аялдардын көйнөктөрүн бычып-тигүүнү үйрөнүү боюнча ​ топтун мүчөлөрү кошумча киреше берүү багытында 2 күндүк билим алышкан. Мындан сырткары, бизнес план жазуу, финансалык жана медиа сабаттуулук багытында ушул эле аялдар кошумча окууларга тартылды.
Окуудан өткөн бул аялдар бизнес план сунушун​ жазган. Бул сунуш донорлор тарабынан​ колдоо тапса ​ кеминде 60% аялдар жумуш менен камсыз болуп, үй-бүлөсүнө киреше алып келип, өздөрүнүн экономикалык абалдарын оңдошору бышык.
​ ​ ​ Жыйынтыгында, долбоорго катышкан Максат айылынын 25 тургунуна Дүйнөлүк Азык-түлүк программасынын алкагында азык-түлүк түрүндө 150 кг ун, 15 литр өсүмдүк майы таркатылды.