Вашингтондо президент Дональд Трамптын тарапкерлеринин нааразычылык акциялары учурунда төрт адам каза болду, деп билдирди ТАССтын кабарчысы.
Пресс-конференцияда Конти Капитолийдин имаратында ок атуудан бир аял каза болгонун тастыктады, ошондой эле дагы — эки эркек жана бир аял кказа болгонун билдирди. Ошол эле учурда Вашингтон полициясынын башчысы алардын өлүмүнүн себептерин айткан жок. Анын айтымында, алар «өлүмгө алып келген ар кандай медициналык чукул кырдаалдарды башынан өткөрүшкөн».
6-январда Трамптын демонстранттары Капитолийдин имаратын басып алышып, Сенат залын курчап алышкан. Президенттик шайлоодо демократ Жо Байден жеңип чыккан акыркы шайлоонун жыйынтыгын бекитүү пландаштырылган жыйынды Сенат жана Өкүлдөр палатасы үзгүлтүккө учуратты. Трамп өзү тарапташтарын тынчтыкта иш алып барууга жана полицияны колдоого чакырды. Кийинчерээк Вашингтондогу Капитолий имараты митингчилерден тазаланды. Кийинчерээк палатанын демократтары вице-президент Майк Пенсти Трампты бийликтен кетирүү үчүн Баш мыйзамдын 25-түзөтүүсүн колдонууга чакырышты.