Бүгүн Бишкек шаарында «Кыргыз темир жолу» мамлекеттик ишканасынын кызматкерлери үчүн курула турган көп кабаттуу турак жай комплексинин мезгил кутучасы салынды.
Ишканадан билдиришкендей, салтанаттуу иш-чарага президенттин Иш башкармалыгынын жетекчиси Каныбек Туманбаев, ишкананын жетекчилиги, темир жолчулар жана чакырылган коноктор катышты.
Аянтчага компаниянын кызматкерлери үчүн ар бири 19 кабаттуу үч блоктон турган 285 батирлүү турак-жай куруу пландалууда.
Анын ичинде:
- 1 бөлмөлү 114 батир;
- 2 бөлмөлү 114 батир;
- 3 бөлмөлү 57 батир камтылган.
Темир жолчулар үчүн бардык шарттар түзүлүп, заманбап инфраструктура камсыздалат: комплексте унаа токтотуучу жай, спорт жана балдар аянтчасы, ошондой эле заманбап жылуулук борбору каралган. Турак-жай коплекси Лев Толстой/ Термечиков көчөсүндө жайгашкан.
«Кыргыз темир жолу» мамлекеттик ишканасынын кызматкерлерин социалдык турак жай менен камсыз кылуу долбоору президент Садыр Жапаров жана президенттин Иш башкармалыгынын башчысы Каныбек Туманбаевдин колдоосу менен ишке ашырылууда.
