Кайра шайлоо. Шайлоого катышуу ниетин билдирген талапкердин саны 27ге жетти

Биринчи май жана Свердлов шайлоо округдары боюнча Жогорку Кеңештин депутаттарын кайра шайлоого катышуу   ниетин билдирген талапкердин саны 27ге  жетти. 

Бир мандаттуу шайлоо округдары боюнча депутаттыкка талапкерлерди көрсөтүү 27-январда аяктайт. Депутаттыкка талапкерди каттоо үчүн документтер  2022-жылдын 30-январына чейин берилүүгө тийиш.

Эскерте кетсек, 2021-жылдын 28-ноябрда Жогорку Кеңештин депутаттарын шайлоо өтүп, Биринчи май жана Свердлов шайлоо округдарында шайлоочулар баарына каршы добуш берген. Мындан улам кайра шайлоо 27-февралга  дайындалган.

Аталган  эки округда 60 шайлоо тилкеси ачылат.Добуш берүүгө бул округдарда катталган шайлоочулар гана катыша алат. 16-февралга чейин тизмеледен тактоо иштери жүрөт.