Коом
Кыргызстанда толуп кеткендердин көбү пенсия курагындагылар экени айтылды
Кыргызстанда ашыкча салмак менен жабыркагандардын басымдуу бөлүгүн пенсия алдындагы жана пенсия курагындагы адамдар түзөт. Бул тууралуу Улуттук статистика комитети билдирди.
Башка категориялар боюнча абал төмөнкүчө:
18-25 жаштагылардын басымдуу бөлүгү — нормалдуу салмак;
25-30 жаштагылардын басымдуу бөлүгү — ашыкча салмагы барлар;
30 жаштан жогорулардын көпчүлүгү — семирип кеткендер.
Аял-эркекке бөлүп карай турган болсок, эркектердин ичинен 41,5 пайызынын ашыкча салмагы бар. Ал эми аялдар арасында бул көрсөткүч 34,6 пайызды түздү.
Жогоруда 2021-жылдын соңуна карата маалыматтар колдонулду.
Буга чейин эндокринолог Дилбар Саттарова Sputnik радиосуна берген маегинде ашыкча салмак бул өнөкөт оору экенин айткан.
