Бажы кызматы 74 млрд. сом жыйнады

Узаган жылы Бажы кызматы 74 миллиард сом чогултуп, планды 104,1 пайызга (332,5 миң сомго көп) аткарды. Бул туурасында аталган мекеменин маалымат кызматы билдирди.

Бул сумма 2021-жылдын январь-декабрына караганда 27,1 миллиард сомго көп экени белгиленди. Ал эми 2017-жылга салыштырмалуу 39,7 миллиард сомго көбүрөөк жыйналган.

“2022-жылдагы бажы төлөмдөрүнүн түшүүсүнүн мындай көрсөткүчү биринчи жолу байкалууда. Ал бүтүндөй Бажы кызматынын ишинин сапатынын олуттуу жакшырганынан кабар берет”, — деп айткан Бажы кызматынын төрагасы Самат Исабеков.