Кыргызстанда укук коргоо органдарына ишкерлерди негизсиз текшерүүгө тыюу салынат. Бул тууралуу Инвестициялар боюнча улуттук агенттиктин директору Равшанбек Сабиров билдирди.
Анын айтымында, президент Садыр Жапаров демилгелеген реформа 2026-жылдын 1-январынан тартып күчүнө кирип, ак ниет ишкердикти коргоого багытталган.
Сабиров 2025-жылы НАИнин макамы жогорулатылып, агенттик инвесторлорду коштоо боюнча «бирдиктүү терезе» принциби менен иштеген бирдиктүү борборго айланганын, ошондой эле Башкы прокуратура менен биргеликте бизнес менен түз диалог жүргүзүү аянтчасы түзүлгөнүн айтты.
