Чүй облустук ички иштер башкы башкармалыгынын кызматкерлери бүгүн саат 12:20 чамасында жүргүзгөн ыкчам-издөө иш-чараларынын алкагында Токмок шаарынын жанындагы айланма жолдон Даниэл Ажиевди кармашты. Бул факт боюнча Кылмыш-жаза кодексинин «Баңги каражаттарын, психотроптук заттарды жана алардын аналогдорун сатуу максатысыз мыйзамсыз даярдоо» беренеси менен кылмыш иши козголду.
Учурда кармалган жаран убактылуу кармоочу жайга киргизилип, тергөө амалдары улантылууда.
