Биринчи Май райондук сотунун өкүмү менен алты жылга абакка кесилген гезит дизайнери Эрнис Жээнтаев абактан чыкты.
Жактоочу Нурбек Сыдыковдун айтымында, Бишкек шаардык соту Жээнтаевди 332-берене боюнча толук актап, ал эми 278-берененин 3-бөлүгү менен 4 жылдык пробация чегерди. Ал сот залынан бошотулган.
41 жаштагы Эрнис Жээнтаев 2025-жылы 10-ноябрда ИИМ тарабынан кармалган.
Ага карата соцтармактагы жеке баракчасына жазган посттору боюнча Кылмыш-жаза кодексинин 278-беренесинин (Массалык башаламандыктар) 3-бөлүгү (Бийлик өкүлдөрүнүн мыйзамдуу талаптарына жигердүү баш ийбөөгө жана массалык башаламандыктарга чакырыктар, ошого тете жарандарга зомбулук көрсөтүүгө чакырыктар) жана ошондой эле 332-беренесинин (Экстремисттик материалдарды сактоо) негизинде кылмыш иши козголгон.
Быйыл 13-февралда Биринчи Май райондук соту аны алты жылга эркинен ажыратуу өкүмүн чыгарган.
