Ал соңку эки жылда кыргыз футболу болуп көрбөгөндөй ийгиликтерге жетишкендигин билдирди.
“Эки жылда 17 жаңы стадион, футболдук мекеме курулду. Дагы 14 объект курулуп жатат, ага 7 млрд сомдун тегерегинде акча жумшалды. Дагы 7-8 млрд сомдук курулуштар жүрүп жатат. Бул акча мамлекет тарабынан бөлүндү. Өнөктөштөр жардам берди. Курама команданы колдоо үчүн футболго жылына 200 млн сом бөлүнөт”, — деди ал.
Ташиев футболдук уюмдардан айлык, сыйлоо катары бир сом албаганын айтып, негизги максаты футболду өнүктүрүү болгонун кошумчалады.
