Министрлер кабинети Кыргызстандын айрым аймактарында мототранспорт каражаттарынын кирүүсүнө жана жүрүүсүнө тыюу салды. Токтом экосистемаларды сактоо жана жаратылыш ландшафттарынын бузулушун алдын алуу максатында кабыл алынган.
Чектөөлөр өзгөчө корголуучу жаратылыш аймактарына, парктык-пляждык зоналарга жана жайыттарга тиешелүү болот. Бирок тыюу жалпы пайдалануудагы автомобиль жолдоруна, белгиленген тартипте уюштурулган туристтик жолдорго, токтоочу жайларга жана экологиялык маршруттарга жайылтылбайт.
