«Асман Эйрлайнс» авиакомпаниясы 2026-жылдын 26-июнунан тартып Ош — Тамчы — Ош багыты боюнча үзгүлтүксүз каттамдарды кайрадан жанданта турганын маалымдайт.
Каттамдар жумасына үч жолу — дүйшөмбү, шаршемби жана жума күндөрү аткарылат. Учуп чыгуу убактысы күндүн биринчи жарымына пландаштырылгандыктан, жүргүнчүлөр Ысык-Көлдүн жээгиндеги эс алуу убактысын мүмкүн болушунча натыйжалуу пайдалана алышат.
Бир тарапка авиабилеттин баасы 6 500 сомду түзөт. Бул тариф боюнча авиабилеттерди авиакомпаниянын расмий сайты — www.asmanairlines.kg аркылуу же Asman Airlines мобилдик тиркемеси аркылуу комиссиясыз жана кошумча төлөмдөрсүз сатып алууга болот.
