Минск шаардык соту криминалдык авторитет Алмамбет Анапияевдин киши өлтүрүү иши боюнча өкүм чыгарды. Соттолуучулар (экөө тең Кыргызстандын жарандары) Гүлжигит Абилазизов жана Бектурсун Таробаев күнөөлүү деп табылып, тиешелүүлүгүнө жараша 18 жана 13 жылга эркинен ажыратылды.
Сот аларды адам өлтүрүү, өзгөчө зулумдук менен, топ адамдар тарабынан жасалган кылмыш деп таанууга буйрук берди.
Эске сала кетсек, Гүлжигит Абилазизов 2024-жылдын 6-августунда Казакстанда кармалып, Беларуска экстрадицияланган. Бектурсун Таробаев 2025-жылдын 15-июлунда Орусияда кармалган. Кримавторитетти өлтүрүүгө шектүү дагы бир адам эл аралык издөөдө.
Алмамбет Анапияевдин сөөгү 2015-жылдын 18-февралында Минск шаарынын борборунда автоунаанын багажынан табылган. Сөөк табылганда милиция Алмазбек Шакиров деген ат менен берилген Россия Федерациясынын жаранынын паспортун алып койгон. Туугандары маркумду таанышкан.
