Иран парламентинин Улуттук коопсуздук жана тышкы саясат боюнча комиссиясы АКШнын, Израилдин жана Тегеран душман деп эсептеген башка мамлекеттердин кемелеринин Ормуз кысыгынан өтүүсүнө тыюу салган мыйзам долбоорун жактырды. Тыюу Израилге тиешеси бар аскердик жана жарандык жүктөрдү ташууга да жайылтылышы мүмкүн. Талапты бузгандарга жүктүн баасынын 20%ына чейин айып пул салуу сунушталууда.
Буга чейин Тегеран кысыкты ачуу үчүн АКШга алты шарт койгон:
- Иранга каршы коркутууларды жана согуштук аракеттерди токтотуу
- деңиз блокадасын алып салуу жана аскер күчтөрүн чыгаруу
- келтирилген зыянды толук төлөп берүү
- санкцияларды алып салуу
- Ирандын бөгөттөлгөн активдерин бошотуу
- исламдык ыйык баалуулуктарды мазактоодон баш тартуу
