Чүйдүн Жайыл районунда жол кырсыгынан алты адам жабыркады, алардын арасында эки бала бар. Бул тууралуу Жол кыймылынын коопсуздугун камсыздоо башкармалыгы (ЖКККБ) билдирди.
Маалыматка караганда, кырсык 24-сентябрда саат 15:50 чамасында Бишкек – Ош жолунун 154-чакырымында болгон. Анда карама-каршы багытта бара жаткан Toyota Crown жана Honda Odyssey унаалары кагышкан.
Кырсыктан Honda Odyssey унаасындагы алты жүргүнчү ар кандай жаракат алып, ооруканага кайрылган. Жабыркагандардын арасында үч жаштагы эки бала бар.
