Бул тууралуу Бишкек шаардык ички иштер башкы башкармалыгынын басма сөз кызматы билдирди.
Маалыматка ылайык, 28-мартта укук коргоо кызматкерлерине борбор калаада белгисиз адамдар баңги затын сатып жүргөнү тууралуу маалымат түшкөн. Кылмышка шектүү Токтоналиев жана Таш-Көмүр көчөлөрүнүн кесилишинен кармалган. Анын үйүнөн 4 килограмм 802 грамм ар кандай түрдөгү баңги заты табылган. Шектүүнүн айтымында, баңгизаттардын баасы 10 миллион сомдон ашуун.
Бардык бангизаттар экспертизага жөнөтүлдү. Аталган факты боюнча КРнын Кылмыш-жаза кодексинин «Баңги каражаттарын, психотроптук заттарды жана алардын аналогдорун сатуу максатында мыйзамсыз даярдоо» беренеси менен иш козголду.
Шектүү Бишкек шаардык ички иштер башкы башкармалыгынын убактылуу кармоочу жайына камалды.
