Ош: сегиз жаштагы кызды зордуктоого аракет жасаган киши кармалды

Ош шаарында эркек киши сегиз жаштагы кызга карата ыплас аракеттерди жасаган деп шектелүүдө.

Маалыматты Ош шаардык ички иштер башкармалыгынын басма сөз катчысы Замир Сыдыков тастыктады.

Анын айтымында, шектүү кармалган. Окуя 4-мартта Оштун көчөлөрүнүн биринде болгон. Шектүү кыздын шымын жана ич кийимин чечип алып, зордуктоого аракет кылган. Окуя байкоо камераларына түшкөн.

Кылмыш-жаза кодексинин 165-беренеси («адепсиз аракеттер») боюнча сотко чейинки өндүрүш башталды.

Тергөө иштери аяктап, материалдар Ош шаардык сотунун кароосуна жөнөтүлдү.