COVID-19: Бир суткада 155 адамдан вирус катталып, анын үчөөсү дарыгерлер
Акыркы сутканын ичинде коронавирус жана пневмония (COVID-19 U07.1 жана U07.2) оорусу 155 адамдан аныкталды. Бул тууралуу бүгүн, 18-августта республикалык ыкчам штаб билдирди.
Жаңы катталган бейтаптар:
— Бишкек шаарында 40 адам;
— Ош шаарында 11 адам;
— Чүй облусунда 13 адам;
— Ош облусунда 14 адам;
— Ысык-Көл облусунда 24 адам;
— Жалал-Абад облусунда 24 адам;
— Баткен облусунда 12 адам;
— Талас облусунда 6 адам;
— Нарын облусунда 11 адам.
Муну менен Кыргызстанда жалпы 42 миң 146 бейтап катталды.
Коронавирус аныкталган 155 адамдын арасында 3 медицина кызматкери бар. Республикалык ыкчам штабдын маалыматы боюнча, бир суткада 2 медицина кызматкери ооруканадан чыгарылды.
Жаңы катталган медиктер Бишкек шаарында, Ош шаарында жана Жалал-Абад облусунда.
Кыргызстанда COVID-19 вирусу жалпы 3038 медицина кызматкерине жугуп, алардын арасынан 2352 адам айыккан.