Ноокат районунда мал уурдаган шектүүлөр кармалды
2020-жылдын 6-декабрь күнү Ноокат районунун Кулатов а/о Кожо-Арык айылынын тургуну 43 жаштагы Ж.А. 2 баш 4 жашар өгүздөрүн 6-декабрь күнү саат 02:00 чамаларда үйүндөгү мал сарайынан уурдап кеткени боюнча арыз жазган.
Бул факты Ноокат РИИБдин КЖБРне катталып, Кыргыз Республикасынын Жазык кодексинин 200-беренесиндеги кылмыш белгилери боюнча сотко чейинки өндүрүш иши козголгон.
Жогорудагылардын негизинде 2020-жылдын 8-декабрь күнү Ноокат РИИБдин Көк-Жар Айылдык милиция бөлүмчөсүнүн милиция кызматкерлери кылмышкерди табуу үчүн ыкчам иш-аракеттерди жүргүзүп, алынган ыкчам маалыматтардын жыйынтыгында кылмышка шектүү катары Өзгөн районунун Шералы айылынын тургуну 38 жаштагы Н.К. жана Баткен обласынын Кызыл-Кыя шаарынын тургуну 31 жаштагы У.Э. кармалып, Ноокат РИИБдин Тергөө кызматына өткөрүлүп берилди. Учурда убактылуу кармоочу жайга киргизилип, тергөө иштери жүрүп жатат.
Жоголгон малдардын эттери Баткен облусунун Кызыл-Кыя шаарындагы мал союучу жайдан табылган.
Жалпы келтирилген зыян 130 миң сомду түзөт.
Ош ОИИБдин Басма сөз кызматы
