Улуу Британия ханышасы Елизавета IIнин жолдошу Филип каза болду
Улуу Британия ханышасы Елизавета IIнин жолдошу, Эдинбург герцогу Филип каза болду. Бул тууралуу бүгүн Букингем сарайынын сайтына жарыяланганын чет элдик маалымат каражаттары жазышты.
Маалыматта: «Улуу урматтуу ханыша өзүнүн сүйүктүү өмүрлүк жарынын каза болгонун өтө кайгыруу менен кабарлады. Ханзаада Филип Виндзор сарайында көз жумду», — деп айтылат.
Ханзаада Филипп Маунтбеттен 1921-жылы 10-июнда Грецияда төрөлгөн. Ал Грециянын королу Георг Iнин небереси жана канзаада Андрейдин уулу. Андрейдин улуу агасы Константин I 1922-жылы тактан баш тартканда, канзаада Филиптин үй-бүлөсү Грециядан куугунтукталган. Ал Улуу Британиянын ханышасы менен коллежде окуп жүргөндө таанышкан. Алар 1947-жылы үйлөнгөн. Экөөнүн ортосунда төрт баласы бар.
Маалыматка ылайык, герцог Филип жакында 100 жашка чыкмак.
