Тажикстандын губернатору куралчан жарандардын арасында жүргөн сүрөт тарады

Социалдык тармактарда Тажикстан Республикасынын Согди облусунун аткаруу бийлигинин төрагасы Раджоббой Ахмадзоданын куралчан жөнөкөй жарандардын курчоосунда жылмайып турган сүрөтү тарады.

«Бул боюнча дүйнө коомчулугу баа берүүсү керек», — деген пикирлерин социалдык тармактын колдонуучулары калтырууда.

Белгилей кетсек, Өкмөттүн Баткен облусундагы ыйгарым укуктуу өкүлү Өмүрбек Суваналиев жана сүрөттөгү Согди облусунун башчысы Раджоббой Ахмадзода баштаган эки тараптуу делегация 28-апрелде «Кызыл-Бел» жана «Гулистон» чек ара көзөмөл өткөрүү жайларынын ортосундагы бейтарап (нейтралдуу) аймакта жолугушкан.