Баткенде катуу шамал көп кабаттуу үйдүн чатырын учуруп кетти

Баткенде катуу шамал  көп кабаттуу үйдүн чатырын учуруп кетти. Бул тууралуу  Өзгөчө кырдаалдар министрлигинин басма сөз кызматы кабарлады.

Маалыматка ылайык, 5-августта кечки саат 20:00дөр чамасында катуу шамалдын кесепетинен Баткен шаарынын Садыков көчөсүндө жайгашкан 4 кабаттуу үйдүн чатырынын 1 бөлүгү учуп, телефон чубалгысына түшкөндүгү туралуу маалымат түшкөн.

Жерине ӨКМнин Республикалык өзүнчө куткаруу отрядынан алты куткаруучу тартылып, илинип калган чатырды түшүрүп, коопсуз жайга алып беришкен.

Кырсыктан жабыркагандар жок.