Өзбекстанда медициналык мекемеде жарылуу болуп, 1966-жылы туулган Кыргызстандын жараны каза болду. Бул тууралуу Тышкы иштер министрлигинин басма сөз кызматы билдирди.
Андижан облусунун Шахрихан районундагы «Зитерия» жеке менчик медициналык-диагностикалык борборунда 11-февралда газ жарылганы айтылган. Маркумдун сөөгү Кыргызстанга жеткирилди.
Тышкы иштер министрлиги билдиргендей, жардыруу фактысы боюнча Өзбекстандын Кылмыш-жаза кодексинин 257-беренеси боюнча кылмыш иши козголуп, тергөө иштери жүрүп жатат.
Буга чейин «Озодлик» радиосу жардыруу жеке клиникада болуп, кеминде бир адам — 56 жаштагы бейтап каза болгонун билдирген. Каза болгон жарандын жарандыгы айтылган эмес. Өзбекстандын Башкы прокуратурасынын маалыматы боюнча, жарылуудан каза болгондордун саны 11ге жетти.