Бишкекте жеңил унаа аялдамада турган адамдарды сүзүп, эне-бала жабыркады

Бүгүн, 29-мартта саат 10:00дөр чамасында борбор калаанын Чүй проспектисинде (Чыгыш-5 кичирайону) “Ауди” унаасынын айдоочусу рулга ээ боло албай аялдамада турган адамдарды сүзүп кеткен.

“Кабар” агенттигине Милициянын кайгуул кызматынан билдиришкендей, унаа эне-баланы жана эркек кишини сүзүп, тротуарга чыгып кеткен. Тез жардам кызматы тарабынан эне-бала ооруканага жеткирилген.

Окуя болгон жерде кайгуул кызматкерлери иш алып барууда.