Тажикстандын кол салуусу. Алдын ала келтирилген зыян 1,5 миллиард сомду түздү

Тажикстандын Кыргызстанга басып киришинин натыйжасында алдын ала келтирилген зыян 1,5 миллиард сомду түздү. Бул тууралуу Коопсуздук кеңешинин катчысы Марат Иманкулов маалымат жыйынында билдирди.

Анын айтымында, сумма көбөйүшү мүмкүн.

«Эки жуманын ичинде Ак-Суу дарыясына көпүрөнү калыбына келтиребиз. Уюлдук операторлордун электр чубалгылары жана ретрансляторлору калыбына келтирилүүдө. Президенттин жарлыгы менен Баткен облусундагы жаңжал учурунда талкаланган инфраструктураны калыбына келтирүү. Агрессор келтирген зыянды аныктоо боюнча комиссия түзүлдү. Буга чейин келтирилген материалдык чыгымдын көлөмү 1,5 млрд сомду түзгөн», — деди Марат Иманкулов.

Баткен облусунда өзгөчө кырдаал режими киргизилди. 16-сентябрь күнү эртең менен Кыргызстан менен Тажикстандын чек арасындагы бир нече участоктордо ок атышуу башталган. Лейлек жана Баткен райондорундагы калктуу конуштар аткылоого кабылды. Саламаттыкты сактоо министрлиги 164 адам жабыркап, 59 адам каза болгонун билдирди. Кыргыз-тажик чек арасындагы куралдуу кагылыштан улам Баткен жана Лейлек райондоруна караштуу 7 айылдын, Ош облусунун Чоң-Алай районундагы Жекенди айылынын тургундары үйлөрүн таштап кетишкен.

Кыргызстандын Башкы прокуратурасы КР Кылмыш-жаза кодексинин «Тынчтыкка каршы кылмыштар» беренеси боюнча кылмыш ишин козгоду.

Бүгүн Кыргызстанда улуттук аза күтүү күнү жарыяланды.