Мамкызматкерлер албай калган премия коопсуздукту бекемдөөгө колдонулуп жатат

Бул тууралуу президенттин маалымат кызматынын жетекчиси Дайырбек Орунбеков билдирди.

Өкөн жылдын аягынан баштап квартал сайын берилчү премиялар убактылуу токтотулган.

“Буга чейин болуп көрбөгөн “Байрактар”, “Аксунгур”, “Акынжы”, “Анка” өңдүү заманбап аскерий техникалар сатып алынды. Премиянын убактылуу берилбей калышы менен мамлекеттик кызматкерлер өлкө коопсуздугун чыңдоого аз да болсо салым кошту“, — деди ал.

Ошол эле учурда Орунбеков жылдын аягында он үчүнчү эмгек акы менен чогуу премиялар берилерин, айлык жогорулаганын эске алганда, кызматкерлер колуна жакшы сумманы аларын кошумчалады.