Эки айда Ысык-Көлдөн 5 тоннадан ашуун таштанды алынды

ӨКМдин суучулдары үстүбүздөгү жылдын 12-мартынан бери Ысык-Көлдүн астынан 85 миң балык уулоочу тор чыгарышты. Бул тууралуу  өзгөчө кырдаалдар министрлигинин басма сөз кызматын кабарлады.

Маалыматка караганда, жалпы 66 күн ичинде көлдүн 193 гектардан ашык аянты тазаланып, суу астынан 5 тонна 470 кг таштанды терилди.

Маалыматта айтылгандай, президент Садыр Жапаровдун жарлыгынын негизинде Ысык-Көлдүн флора жана фаунасына зыян алып келген таштандылардан жана балык уулоочу торлордон тазалоо иши масштабдуу түрдө 12-мартта башталган.