«Ала-Арча» мамлекеттик жаратылыш паркында көчөттөр отургузулду. Сүрөттөр
«Ала-Арча» мамлекеттик жаратылыш паркында «жашыл мурас» улуттук өнөктүгүнүн алкагында көчөт отургузуу иштери жүргүзүлдү.
Иш-чара Токой кызматы, AFoCO жана токой чарба секторундагы 14 өлкөнүн өкүлдөрү (Бутан, Бруней-Даруссалам, Камбоджа, Кыргызстан, Индонезия, Казакстан, Лаос ПДР, Монголия, Мьянма, Филиппин, Корея, Таиланд, Тимор-Лесте, Вьетнам, Малайзия жана Сингапурменен) биргеликте өткөрүлдү.
Анда 40 даана – тянь-шань карагайынын, 30 даана – арча, 30 даана – кайың көчөтү отургузулду.
AFoCO КР президенти Садыр Жапаровдун «Жашыл мурас» улуттук кампаниясын өткөрүү боюнча демилгесин колдойт.
AFoCO`нун бул демилгеге катышуусу айлана-чөйрөнү коргоо жаатындагы эл аралык кызматташтыктын маанилүүлүгүн көрсөтөт.
Белгиленгендей, «Ала-Арча» мамлекеттик жаратылыш паркынын аймагына көчөттөрдү отургузуу бул уникалдуу жердин биологиялык ар түрдүүлүгүн жана кооздугун сактап калууга гана жардам бербестен, климаттын өзгөрүшүнө каршы күрөшүүдө жана айлана-чөйрөнүн сапатын жакшыртууда маанилүү кадам болуп саналат.
