ИИМ кызматкерлери ишкерди олуттуу зыянга учураткан жарандарды кармады

2021-жылдын январь айында Кыргыз Республикасынын Ички иштер министрлигине Бишкек шаарынын тургуну, ишкер арыз менен кайрылып, олуттуу материалдык чыгымга алып келген мыйзамсыз иш-аракеттер фактысы боюнча чара көрүүнү суранган.
Себеби, 2018-жылдын ноябрь айында бейтааныш жарандар Жумгал районуна караштуу Кара-Кече аймагында жайгашкан көмүр кенинен 170 (жүз жетимиш) тонна алышып, акчасын алып келип беребиз деп ушул күнгө чейин беришкен эмес. Анын натыйжасында бир нече жүз миң сомдук зыян келтирилген.
Бул факты боюнча материал Нарын ОИИБнин Кылмыштардын жана жоруктардын бирдиктүү реестрине катталып, сотко чейинки өндүрүш иштери жүрүүдө.
Кыргыз Республикасынын ИИМдин КМКнын Үчүнчү башкармалыгынын ыкчам кызматкерлери тарабынан жүргүзүлгөн ыкчам иш-аракеттердин натыйжасында, жогоруда көрсөтүлгөн кылмыш боюнча шектүү катары Ак-Талаа районунун тургуну 1978-жылы туулган М.С. жана мурда соттолгон, уюшкан кылмыштуу топтун мүчөсү катары ИИМде каттоодо турган Бишкек шаарынын тургуну 1981-жылы туулган Ч.Р. кармалып, Нарын ОИИБын Тергөө кызматына өткөрүлүп берилди.

ИИМдин Басма сөз кызматы