Бүгүнкү күндө COVID-19 жана пневмониянын үчүнчү толкуну боло элек. Бул тууралуу Саламаттыкты сактоо жана социалдык өнүгүү министри Алымкадыр Бейшеналиев 24. кж агенттигине билдирди.
Анын айтымында учурда кырдаал көзөмөлдө турат.
«Эмдөөнү эртең баштайбыз»,- деди министр. Өлкөнүн биринчи адамдары эмделеби деген суроого Алымкадыр Бейшеналиев: «Мен өзүм эмделем»,- деп жооп берди. Ал ошондой эле референдумдан кийин карантин киргизилишине байланыштуу социалдык тармактардагы басылмаларга комментарий берди. «Катаал карантин болбойт»,- деди министр.
Эскерте кетсек, бүгүн өлкөдө коронавирустун 115 жаңы учуру катталып, эки бейтап каза болду.