Кубанычбек Бөкөнтаев Улуттук банктын төрагасы болду

Бүгүн, 29-сентябрда парламенттин жыйынында депутаттар Кубанычбек Бөкөнтаевди Улуттук банктын төрагасы болуп дайындалышын колдоп берди.

Добуш берүүгө 81 депутат катышып, Бөкөнтаевдин талапкерлигин 76 эл өкүлү колдоду. Калган бешөө каршы добуш берди.

Төрагалык кызматтан кеткен Толкунбек Абдыгуловдун ордуна Бөкөнтаевдин талапкерлигин президент Садыр Жапаров көрсөткөн. Абдыгуловго президент башка кызмат сунуштаган. Ал Эл аралык валюта фондуна Кыргызстандын атынан кеңешчи болуп барат.