“Тазалык” ишканасынын кызматкерлери ишке чыгышты

«Тазалык» муниципалдык ишканасынын кызматкерлери кайрадан кызматтык милдеттерин аткарууга киришти, деп билдирди Бишкек шаардык мэриясынын басма сөз кызматы.

Эртең менен алар менен борбор калаанын мэри Эмилбек Абдыкадыров жолугуп, жумушчулардын бардык суроолорун укту.

Белгилей кетсек, буга чейин Бишкекте «Тазалык» ишканасынын кызматкерлеринин бир бөлүгү айлык акынын кечиктирилишинен жана унааларды оңдоону каржылоо маселесинен улам иш таштаган.