Мамлекеттик ипотеканын алкагында курулуп жаткан «Мурас» турак жай комплексинде жылдын соңуна чейин 1080 батир пайдаланууга берилет. Бул туурасында президенттин иш башкармалыгынан билдиришти.
Ал эми калган блоктор келерки, тагыраагы, 2026-жылдын соңунда ээлерине тапшырылып калары айтылды. «Мурас» мамлекеттик ипотекалык турак жай комплексинде жалпы 4 754 батир курулмакчы.
Аталган жерге барган президенттин иш башкаруучусу Каныбек Туманбаев подрядчы компанияларга сапат маселесине өзгөчө көңүл буруу боюнча талап койду.
