№22 жана №24 көп мандаттуу шайлоо округдарынан Жогорку Кеңештин депутаттыгына талапкерлер Лира Акунова жана Гүлназ Халилова шайлоого катышуудан баш тартты. Бул тууралуу Борбордук шайлоо комиссиясынан билдиришти.
Маалыматка ылайык, талапкер Л.Акунова 26-ноябрда, ал эми Г.Халилова 27-ноябрда шайлоого катышуудан баш тартуу боюнча арыз берген.
Шайлоо мыйзамдарына ылайык, берилген арыздардын негизинде аталган талапкерлердин каттоолору жокко чыгарылды.
Белгилей кетсек, Кыргызстанда Жогорку Кеңештин депутаттарын мөөнөтүнөн мурда шайлоо 30-ноябрга белгиленген.
