Бишкек жана Ысык-Көлдө өтө турган VI Дүйнөлүк көчмөндөр оюндарынын расмий суусундугу катары легендарлуу максым тандалып алынды. Бул тарыхый чечим 90дон ашык өлкөдөн келген конокторго кыргыздын улуттук даамын жана маданиятын таанытууну көздөйт. Максым жөн гана суусундук эмес, көчмөн элдин баалуу мурасын эл аралык деңгээлде даңазалоочу негизги курал болмокчу.
Долбоордун алкагында «Made in KG» брендин илгерилетүү боюнча атайын демилгелер ишке ашырылып, спортчулар менен ыктыярчылар толугу менен кыргыздын нукура суусундуктары менен камсыз болот.
