ИИМ Жогорку Кеңештин мурдагы депутаты Шаирбек Ташиев кармалганын билдирди.
Маалыматка ылайык, ал «Кыргызнефтегаз» ачык акционердик коомундагы коррупция иши боюнча кармалган.
Ташиев убактылуу кармоочу жайга киргизилди. Экс-депутат буга чейин бир нече ирет ИИМде күбө катары сурак бергени маалымдалган болчу.
УКМКнын мурдагы төрагасы Камчыбек Ташиевдин бир тууганы Шаирбек Ташиев 14-мартта депутаттык мандатын «саясий стабилдүүлүктү сактоо үчүн» тапшырганын жарыялаган эле.
