Ак илбирс 2026-жылы Кыргызстанда өтө турган Дүйнөлүк көчмөндөр оюндарынын расмий тумары болуп тандалды. Дүйнөлүк көчмөндөр оюндарынын эл аралык катчылыгы билдиргендей, бул образ Оюндардын визуалдык жана коммуникациялык өзгөчөлүгүнүн негизги бөлүгү болот.
Эл аралык катчылыкта белгилешкендей, мындай тандоо ак илбирстин Кыргызстандын жаратылышы, ландшафты жана маданий коду менен болгон өзгөчө байланышы менен түшүндүрүлөт. Бул тумар аркылуу уюштуруучулар Оюндардын духун — кадыр-баркты, шайкештикти жана дүйнөгө ачыктыгын көрсөтүүнү көздөшөт.
