Баткен облусунун Кадамжай районундагы Совет айылында ичүүчү суу системасын куруу иштери жүрүп жатат. Айыл чарба министрлигинин маалыматына ылайык, долбоордун алкагында суу ар бир үйгө чейин жеткирилет жана 2 миңге жакын тургун камсыз болот.
Долбоор айылдагы санитардык абалды жакшыртууга жана оорулардын алдын алууга багытталган. Курулуш иштерин ушул жылдын экинчи кварталында бүтүрүү пландалууда.
