Жогорку Кеңештин депутаттыгына талапкер Чыңгыз Айдарбеков бош турган мандаттан баш тартуу тууралуу арыз жазды. Анын кайрылуусун Борбордук шайлоо комиссиясы (БШК) бүгүн, кезектеги жыйынында карайт.
Эске салсак, Бишкек шаарынын Ленин районун камтыган №21 бир мандаттуу шайлоо округунан депутат болгон Кубанычбек Конгантиев өз каалоосу менен мандатын тапшыргандан бери бул орун бош туруп келген. Мыйзамга ылайык, анын ордуна кийинки кезектеги талапкер келиши керек болчу.
Бирок, бош орунга негизги талапкер катары каралып жаткан Чыңгыз Айдарбековго карата кылмыш иши козголгону маалым болду. Буга байланыштуу ал талапкерликтен баш тартууну чечкен. Учурда тизме боюнча кийинки кезекте Мирлан Жээнчороев турат. БШКнын чечиминен кийин мандаттын тагдыры такталат.
