10-августта Колумбиянын батышында күчү 7,4 магнитудага жеткен жер титирөө болду. Кеминде 111 адам каза болуп, 1,6 миңге жакын имарат жабыркады. Президент Абелардо де ла Эсприэлья жалпы улуттук өзгөчө кырдаал режимин жарыялады.
Жер титирөөнүн очогу Сан-Хосе-дель-Пальмар шаарына жакын жерде, болжол менен 107 чакырым тереңдикте жайгашкан. Бул Колумбияда XXI кылымда катталган эң күчтүү жер титирөө деп бааланууда. АКШ өлкөгө 15,5 млн доллар чукул жардам бөлөрүн жарыялады.
