Соң-Көлдө эки чет өлкөлүк жарандын өлүмүнүн чоо-жайы териштирилип жатат. Бул тууралуу 2-октябрда Нарын облустук ички иштер башкармалыгынын басма сөз кызматы билдирди.
Мекеменин маалыматына караганда, 22-сентябрда саат 07:55 чамасында Кочкор районундагы Соң-Көл жайлоосунда эки чет өлкөлүк жаран каза болгондугу тууралуу кабар түшкөн.
Баштапкы маалыматка караганда, 21-сентябрда эс алуу жайына келген чет өлкөлүк жарандар газ менен иштеген жылыткыч колдонуп, уктап калганы аныкталган.
Окуя болгон жерге тергөө-ыкчам тобу барып, тиешелүү кароо жана экспертизалар дайындалган. Учурда аталган факты боюнча тергөө иштери жүргүзүлүп, окуянын бардык жагдайлары такталууда.
