Оштогу жер титирөөдөн жалпы 25 үй, 12 мектеп, бир бала бакча жана бир үй-бүлөлүк дарылоо тобу жабыркаган. Бул тууралуу ӨКМ билдирди.
Маалыматта айтылгандай, жарандык коргонуу комиссиясы имараттардагы эски жаракалар жер титирөөдөн чоңоюп кеткенин аныктаган. 4 турак үй камсыздандыруудан өткөн, калган үйлөр камсыздандыруудан өткөн эместиги кошумчаланды.
Жабыркаган үйлөрдүн 13ү Алай районунда, калганы Кара-Сууда жайгашкан.
Кечээ, 12-мартта саат 9:11де Кыргызстандын аймагында жер титирөө болгонун кабарлаган. Жердин силкинүүсү Ош шаарында жана Ош облусунун Кара-Суу районунун Шарк, Таштак, Нариман, Кыргыз-Чек айылдарында 5 баллга чейин, Кара-Суу шаарында 4 баллга чейин сезилген.
