ММК: Кытай парламенти Гонгондогу улуттук коопсуздук боюнча мыйзамды жактырды

RTHK телерадиоберүү корпорациясынан билдиришкендей Кытайдын жогорку мыйзам чыгаруучу органынын Бүткүл кытайлык эл өкүлдөрүнүн туруктуу комитети Гонконгдогу «Улуттук коопсуздук жөнүндө» Мыйзам долбоорун жактырды.

RTHK тараткан маалымат боюнча мыйзам долбоор үчүн Туруктуу комитеттин 162 мүчөсү «макул»-деп добуш берген.

Белгилей кетсек, аталган мыйзам Кытай парламентинин кароосуна киргизилген күндөн тартып бир катар Европа өлкөлөрү Кытайга карата өз сын-пикирлерин билдирип келсе, расмий Вашингтон Кытайга ар кыл санкцияларды киргизүү менен жооп кайтарууда.