Азиз Суракматов тергөө абагында калтырылды

Бишкек шаардык соту Бишкек шаарынын экс-мэринин жактоочусу Азиз Суракматовдун баш коргоо чарасына каршы доо арызын карады.

Буга чейин жактоочу тарап борбордун Биринчи Май райондук сотунун мурдагы мэрди камакта калтыруу чечимин жокко чыгарууну суранган.

Жактоочу камакка алуу менен байланышпаган алдын алуу чарасын көрүү өтүнүчүн келтирди.

Бишкек шаардык сотунун коллегиясы кеңешүү бөлмөсүнөн чыгып, биринчи инстанциянын чечимин күчүндө калтырды.

Эске салсак, Укук коргоо органдары тарабынан Азиз Суракматов мыйзамсыз баюуга шектелип кармалган. Тергөөнүн версиясы боюнча, анын жана жакын туугандарынын мүлкү, жетиштүү киреше  булагы көрсөтүлбөй туруп кескин көбөйүп, 50 миллион доллардан ашуунга бааланган.