Мэрия: Бак-дарактарды дарылоочу эритме адамдар үчүн коопсуз
Маалымат каражаттары Бишкектеги бак-дарактарга белгисиз эритинди чачып жатканын кабарлашкан. Шаардыктар бул дарынын айынан адамдар ооруп калышы мүмкүн деп кооптонууда. Бирок, бул эритменин адамдарга эч кандай зыяны жок экенин Бишкек мэриясы кабарлады.
Коомчулукта тараган видео тасмада «Бишкекзеленхоз» муниципалдык ишканасынын атайын унаасы тартылган, анда курт-кумурскалардын зыянкечтерине каршы дары — инсектицид 10 литр сууга 10 грамм зат өлчөмүндө салынгандыгы жазылгандыгы жөнүндө кабарлайбыз.
«Аралашма адам денеси үчүн толугу менен коопсуз экендигин, ден-соолукка эч кандай зыяны жок экендигин эске алыңыз. Чачыратуу процедурасы түнкүсүн жүргүзүлөт, анткени күндүн активдүүлүгү минималдуу жана дарактардын жалбырактарына күйүп калуу коркунучу аз болот. Урматтуу Бишкек шаарынын тургундары! Паникага жана чагымчылдыкка алдырбооңузду суранабыз. Расмий булактардан алынган бардык маалыматтарды текшериңиз,»-деп айтылат маалыматта.
