Нью -Йоркто хирургдар генетикалык жактан өзгөртүлгөн чочкодон бөйрөктү алып, адамга салуу боюнча ийгиликтүү операция жасашты. Орган нормалдуу иштеп жатат, деп жазат New York Times.
Нью -Йорктогу Трансплантология институтунун директору Роберт Монтгомеринин айтымында, операция, бөйрөгү жасалма дем алдыруучу аппаратта турган, мээси өлгөн кишиге трансплантацияланган. Ал «дээрлик дароо» заара жана калдыктарды өндүрө баштады, — дейт дарыгер.
Монтгомеринин айтымында, генетикалык жактан өзгөртүлгөн чочколор «органдардын туруктуу жана жаңылануучу булагы болуу мүмкүнчүлүгүнө ээ».
«Бул чоң жетишкендик. Абдан чоң жетишкендик. Бирок биз дагы деле органдардын иштөөсүнүн узактыгы жөнүндө көбүрөөк билишибиз керек », — деди изилдөөгө катышкан трансплантология боюнча профессор.
Гезитте жазылгандай, эгер илимпоздор адам трансплантациясына ылайыктуу чочкодо органдарды өстүрүүнүн жолун табышса, бул 100 миң кишиге табылган чечим болмок. Америкада трансплантация үчүн кезекте тургандар көп, алардын арасында 90 миңден ашыгы бөйрөккө муктаж.
Гезит изилдөөнүн жыйынтыктары али экспертизадан өткөрүлбөгөнүн жана басылып чыга электигин баса белгилейт.