Президент С.Жапаровдун пресс-конференциясы аткарылган иштер боюнча отчет берүү менен башталды, бирок суроо-жооп учурунда жетекчи органдардын мындан аркы ишинин максаттары жана багыттары белгиленди, – дейт коомчулук боюнча эксперт Шерадил Бактыгулов.
«Президент Садыр Жапаров биринчи пресс-конференциясынын жүрүшүндө 2020-жылдын октябрь айынан бери чечилип келе жаткан Кыргызстандын негизги көйгөйлөрүн айтып өттү. Алардын арасында коррупция менен күрөшүү, таза парламенттик шайлоону өткөрүү, мамлекеттик чек аранын талаштуу участкаларын делимитациялоо, коопсуздукту камсыздоо, жакшы жашоонун деңгээлин жогорулатуу жана башкалар бар.
Жалпысынан Президент Жапаров көптөн бери чечилбей келе жаткан көйгөйлөрдү чечүүгө ишкер жана конструктивдүү мамилени жана өлкөнүн эгемендүүлүгүн камсыз кылуу жана өлкөнүн жашоочуларынын бакубаттуулугун жогорулатуу максаттарына жетүү үчүн бардык саясий күчтөр менен кызматташууга даярдыгын көрсөттү. Бул үчүн жакшы мыйзамдар керек, антпесе, ондогон адамдар мыйзамдын үстүндө иштеп жатышат, анан миллиондор пайдасыз мыйзамдарды кантип айланып өтүүнү ойлонушат экен. Ушуга байланыштуу президенттик команданын оппозиция менен конкреттүү маселенин эң оптималдуу жолун бирге издөөгө даярдыгы чоң кызыгууну жаратат», — деди эксперт.
Анын айтымында, парламенттеги депутаттарды шайлоонун жаңы аралаш системасы саясий коррупциянын өсүшүнө жол бербөөнүн эффективдүү механизми болууга багытталган. Партиялык жетекчиликке олуттуу зыян келтирилди. Алар “көмүскө” акча базасын начарлатышты, партиялардын тизмесиндеги депутаттык мандаттарды сатуунун негизинде партиялык коррупциянын булактарын жок кылышты.
Садыр Жапаров тарабынан айтылган сунуштардын кесепеттери тууралуу сөз кылып жатып, Ш.Бактыгулов мамлекеттик башкаруу системасын эң төмөнкү деңгээлден эң жогорку деңгээлге чейин жаңылоо жөнүндө сөз болуп жатканын айтып жыйынтыктады.
«Кийинки өзгөчөлүк – анын билдирүүлөрүндө сөздөрдүн жана иш-аракеттердин ырааттуулугу байкалат. Анын билдирүүлөрүнүн көбү аткарылды. Мисалы, башка өлкөлөрдөн сатып алынган электр энергиясынын баасы беш сомдон эки сомго түштү. Мамлекеттик кызматкерлер үчүн ипотекалык пайыздар 4%ке чейин төмөндөтүлдү.
Кыргызстан дүйнөлүк державалар менен мышык-чычкан ойнобойт деген билдирүү Кыргызстандын тышкы өнөктөштөрүнүн кызыгуусун жаратууда. Өлкө Кант шаарында жайгашкан ЖККУнун авиациялык компоненти болгон бир базага ээ болот. Ошентип, өлкө флирт, кыйытма жана кысым саясатына катышпайт», – деди эксперт.