Видео. КР футболунун 100 жылдыгына арналган турнир. Миллион сом байге Токмоктогу балдар үйүнө тапшырылды

Беттештердин жыйынтыгында искусство жана маданият дүйнөсүнүн өкүлдөрү – “Өнөр” командасы кубоктун ээлери болушту.

Сыйлыктарды тапшыруу аземинде команданын мыкты жетекчиси деп Борис Подкорытов («Алга») табылды. Эң кооз гол Канат Шабданбаевге (спорт федерацияларынын командасы) ыйгарылды. Камчы Сарыбаева («Өнөр») мыкты дарбазачы, Каныбек Сейталиев («Алга») турнирдин мыкты оюнчусу деп табылды. Турнирдин эң мыкты бомбардири  Садыр Жапаров, Президенттик администрацияда ойноп, атаандаштарынын дарбазасына тогуз гол киргизген.