2023-жылы аз камсыз болгон 10 миң үй-бүлөгө 100 миң сомдон берилет

Кийинки жылы аз камсыз болгон 10 миң үй-бүлөгө бизнес ачуу үчүн 100 миң сомдон берүү пландалууда. Бул туурасында Эмгек, социалдык камсыздоо жана миграция министрлиги билдирди.

Маалыматка ылайык, “Социалдык келишим” долбоору үстүбүздөгү жылдын башында иштелип чыгып, бюджеттен 300 миллион сом каралган. Бүгүнкү күндө долбоордун алкагында 2 800 үй-бүлөгө 100 миң сомдон берилген. Каражат мурда үй-бүлөгө көмөк жөлөк пулун алып жүргөн жарандарга чегерилет. Максаты — алардын чакан бизнес ачышына көмөктөшүп, жакырчылыктан чыгаруу.