Боомдогу жолдун Бишкек багытындагы тилкеси беш күнгө жабылат

Боом капчыгайындагы жолдун Бишкек багытындагы тилкеси 14-ноябрдан 19-ноябрга чейин жабык болот. Бул тууралуу Транспорт жана коммуникациялар министрлиги кабарлады.

Маалыматка караганда, оңдоо иштери жүрүп жаткандыгына байланыштуу Бишкек — Нарын — Торугарт жолунун 126-чакырымынан 300-чакырымына чейинки бөлүгү убактылуу жабык болот. Тагыраагы, аталган бөлүккө асфальт төшөлөт.

Мындан улам айдоочулар аталган бөлүккө келгенде жолдун каршы тилкеси менен өтүп турушу керектигин эскертти.